Një tjetër tërmet me magnitudë 6.4 të shkallës Rihter goditi në mbrëmjen e së hënës provincën turke të Hatay.
Në jug të vendit, ky rajon turk pësoi më së shumti në tërmetin e 6 shkurtit në të cilin humbën jetën më shumë se 41 mijë njerëz në Turqi, njoftoi agjencia turke e shpëtimit AFAD.
Sipas një gazetari të AFP në vendngjarje, tërmeti shkaktoi panik tek banorët që tashmë po vuajnë rëndë në tërmetin e parë dhe ngriti re të mëdha pluhuri në qytetin e shkatërruar.
Reporterja turke e CNN, Buse Deviren raportoi drejtpërdrejt nga një kamp ta pastrehësh. Ajo raportoi se stufat në çadra janë përmbysur pas tërmetit të fundit dhe në një moment ka qarë.
“Toka po rrëshqiste nën këmbët tona, ishte një tërmet tepër i fortë. Gjithçka është plot tym tani dhe më shumë ndërtesa janë shembur,” raportoi ajo.
CNN Türk Muhabiri Buse Deviren:
"Yer ayağımızın altından kaydı. İnanılmaz büyük bir depremdi. Bu artçı gibi bir deprem değildi.
Burası şu anda duman altı. Muhtemelen yıkılmayan binalar yıkıldı." pic.twitter.com/WxvgihuviM
— Onedio (@onediocom) February 20, 2023
Mësohet se nga lëkundjet e mbrëmshme kanë ndërruar jetë dhe 8 persona të tjerë si dhe janë plagosur me dhjetra. /tesheshi.com/
