Një tërmet me magnitudë 7.2 ballë ka shkaktuar pani në Meksikë, pesë muaj pasi qindra njerëz u vranë në dy tërmete.
Epiqendra ishte rreth 10 kilometra në juglindje të Pinotepa Nacional në shtetin jugor të Oaxacas, njoftoi Qendra Kombëtare Sizmike e Meksikës.
Për momentin nuk ka raportime për të vdekur apo të plagosur, por si për ironi një helikopter që mbante Ministrin e Brendshëm Alfonso Navarrete, ndërsa ai vëzhgonte rajonin, u rrëzua duke vrarë dy vetë e plagosur disa të tjerë. Vetë ministri shpëtoi.
Rreth 1 milion familje pësuan ndërprerje të përkohshme të energjisë pas tërmetit.
Disa dëme në ndërtesa u raportuan në qytete pranë epiqendrës. “Të gjithë vrapuan në rrugë,” tha një banore qytetit të Juchitan. “Kishte alarm, panik, frikë.”
“Fatmirësisht nuk ka raporte për dëmtime serioze apo vdekje”, tha zëdhënësi i qeverisë Eduardo Sanchez televizori Televisa.
Ministria e Transportit gjithashtu konfirmoi se nuk kishte dëme në infrastrukturën e vendit.
Rreth 100 vetë u vranë në Oaxaca në fillim të shtatorit kur një tërmet me magnitudë 8.2 goditi rajonin, duke shkatërruar shumë shtëpi.
Ditë më vonë, një tjetër tërmet i matur 7.1 goditi Mexico City, duke bërë që të paktën 40 ndërtesa të shembeshin dhe duke dëmtuar qindra të tjera. Të paktën 360 njerëz në Mexico City dhe në zonën përreth humbën jetën dhe mijëra mbetën të pastrehë.
Meksika, e cila ndodhet në Unazën Paqësore të Zjarrit, ka pësuar tërmete të shumta serioze gjatë viteve, me të paktën 10,000 të vrarë në vitin 1985 kur një tërmet i madh goditi Mexico City. /tesheshi.com/
