Pjesëtarët e Forcës së Sigurisë së Kosovës vazhdojnë të arrijnë suksese në arenën ndërkombëtare.
Pas suksesit të togerit Adison Gara i cili fitojë vendin e parë në trajnimin për instruktor të operacioneve në mbështetje të paqes, një lajm të mirë ka marrë edhe nëntogeri Kemajl Haliti i cili është përzgjedhë t’i vijojë studimet në Akademinë Mbretërore Sandhurt të Britanisë. Këtë e ka bërë të ditur ambasada britanike në Kosovë përmes një njoftimi në llogarinë e saj në Facebook.
“Pas një procesi përzgjedhës, Nëntoger Kemajl Haliti është përzgjedhur të vijojë studimet në Akademinë Mbretërore Sandhurt. I urojmë sukses gjatë vijimit të studimeve. Mbretëria e Bashkuar në Kosovë është e përkushtuar të ndihmojë gjeneratën e ardhshme të Forcës së Sigurisë së Kosovës në aftësimin në fushën e Lidershipit dhe Arsimit”, thuhet në njoftimin e ambasadës britanike./tesheshi.com/
