Shqipëria ka siguruar një tjerër sasi vaksinash Pfizer, me të cilat e nisi procesin e vaksinimit, duke i marrë si dhuratë, në kofidencë, nga një shtet i BE-së.
Kësaj here gjithçka është e hapur: ia jep BE-ja. Por ajo së cilës i është gëzuar më së shumti kryeministri Rama është tjetër gjë; fakti që ai ka kritikuar BE-në dhe kjo e fundit as që është ndikuar nga ky fakt, siç mund të mendojnë kritikët e Ramës.
Ndaj ai shkruan:
“Shqipëria siguron dozën e dytë më të madhe nga kontrata e Bashkimit Europian me 6 vendet e rajonit për vaksinat Pfizer që BE do të shpërndajë në rajon
Plot 145 mijë vaksina nga 651 mijë gjithsej për Ballkanin Perëndimor, do t’i marrë Shqipëria, kështu që herë tjetër mos të nxitohen analistêt gjithologë dhe politikanët llogjellogë, kur gjykojnë qëndrimet e mia ndaj BE, në emër të popullit shqiptar
Shumë faleminderit Komisionit Europian, Presidentes Von der Leyen, Komisionerit Varheley dhe ambasadorit Soreca, që e dēgjuan, repsektuan e përsëri po e ndihmojnë Shqipërinë, si miq të çmuar të këtij populli”, shkruan Rama. /tesheshi.com/
