Dhuna ndaj fëmijëve të vegjël ka shënuar një tjetër rast në një kopësht privat në Tiranë,. Një edukatore me inicialet D.R është arrestuar nga policia pas denoncimit që kanë bërë dy nëna të cilat kishin fëmijët në kopshtin “4 stinët” në Tiranë.
Nënat e fëmijëve të vegjël që frekuentonin çerdhen kanë dyshuar për praninë e dhunës ndaj vogëlushëve të tyre dhe pasi kanë kërkuar të shohin pamjet filmike të kopshtit jabnë bindur se edukatorja kishte keqtrajtuar fëmijët e tyre.
Të dyja nënat janë paraqitur në polici ku kanë bërë kallëzim penal ndaj edukatores.
Policia njoftoi se “më datë 04.06.2017, Specialistët e Komisariatit të Policisë Nr 2, kanë arrestuar shtetasen: – D. R., 30 vjeçe, banuese në Tiranë, me profesion edukatore kopështi.
Kjo shtetase është arrestuar, sepse më datë 04.06.2017, në ambientet e Komisariatit të Policisë Nr 2, janë paraqitur shtetaset J. B. dhe M. L., të cilat kanë bërë kallzim duke pretenduar se më datë 30.05.2017 dhe 31.05.2017, shtetasia D.R, duke kryer detyrën e saj si edukatore pranë një kopështi privat në rrugën “Nikolla Lena”, ka ushtruar dhunë fizike ndaj fëmijëve të tyre të mitur në këtë kopësht.
Në cilësinë e provës materiale janë sekuestruar pamjet filmike të kamerave të sigurisë të këtij kopështi.
Materialet proceduriale i’u kaluan Prokurorisë pranë Gjykatës së Shkallës së Parë Tiranë, për veprën penale “Keqtrajtimi i të miturit”, parashikuar nga Neni 124/b i Kodit Penal.”
Ndërkaq media ka nxituar të bëjë gjykatësin duke nxjerrë fotot e edukatores, por psikologia e kopshtit ka pranuar dhunën, por është munduar të minimizojë përmasat që ka marrë ngjarja.
“Unë punoj prej shtatë vitesh në kopshtin privat “Katër Stinët” dhe denoncimi për dhunën e një fëmije është rasti i parë që ka ndodhur në kaq vite. Kur erdhi Policia ne dorëzuam pamjet për bashkëpunim. Rasti është i vërtetë, ka ndodhur. Ka fragmente të vogla, por jo dhunë të madhe fizike”, – tha psikologia për “Neës24”.
Ky nuk është as rasti i parë dhe as i vetëm i dhunës në kopshtet dhe çerdhet shqiptare, ku njerëz pa eksperiencë ose të patrajnuar keqtrajtojnë fëmijët.
Rasti më flagrant që preku gjithë shoqërinë ishte ai i Anjeza Shabanit, e cila u filmua duke dhunuar një 3-vjeçar autik. Shabani u dënua me dy vite burg./tesheshi.com/
