Forcat e sigurisë së Kosovës kanë arrestuar mbrëmë një ish-pjesëtar të Policisë së Kosovës nga veriu i Mitrovicës. Fjala është për Sllagjan Trajkoviç, prangosur rreth orës 22.00.
I dyshuari jetonte në Mëhallën e Boshnjakëve dhe është një nga pjesëtarët e Policisë së Kosovës që ka braktisur shërbimin. Lajmin për arrestimin e ka konfirmuar bashkëshortja e të arrestuarit, e cila ka shtuar se ai akuzohet për “krime lufte”.
Ky është arrestimi i katërt për pak më shumë se shtatë ditë në veri të Kosovës dhe i dyti arrestim i ish-pjesëtarëve të Policisë së Kosovës. Kujtojmë që javën e kaluar u arrestua Dejan Pantiç, që ishte arsyeja zyrtare për barrikadat e reja që u vendosën në të paktën gjashtë vende në veri të Kosovës para disa ditësh.
Tensioneve të reja u parapriu braktisja masive të shumicës së institucioneve të Kosovës në veri në nëntor të këtij viti, kur edhe më shumë se 500 serbë u larguan nga Policia e Kosovës.
Tensionet u nxitën më tej me shpalljen e zgjedhjeve tani të shtyra, të cilat çuan në incidente në Zubin Potok dhe Mitrovicë, kur serbët penguan përfaqësuesit e KKZ-së dhe policisë të hyjnë në zyrat e Komisionit Komunal të Zgjedhjeve.
Forca të përforcuara të Policisë së Kosovës më pas janë vendosur në veri, pas së cilës kanë ndodhur edhe arrestimet. /tesheshi.com/
