Një tjetër helmim ka ndodhur në Salisbury, aty ku e pësuan Skripalët muaj më parë. Për ironi të fatit, thuhet se të helmuarit kanë qenë një çift që po darkonin në një restorant dhe që flisnin gjuhën ruse.
“Policia ka kërkuar ndihmë urgjente në High Street, Salisbury, në 6.45 pasi dy njerëz, një burrë dhe një grua, patën probleme shëndeti”, tha policia e Wiltshire në një deklaratë.
Restoranti dhe rrugët përreth u rrethuan nga policia. Ende nuk ka detaje rreth rastit. Çifti ka shfaqur shenja helmimi teksa ka qenë duke ngrënë, por rasti Skripal ka bërë që çdo gjë e ngjashme të shihet me syrin e një vrasjeje me agjent nervor. /tesheshi.com/
