Një emër i ri po i shtohet listës së gjatë të oficerëve të lartë rusë në vijën e parë të luftës me Ukrainën. Ky është 55-vjeçari Anton Simonov, i cili ishte gjenerali më i lartë rus i luftës elektronike dhe u vra gjatë një beteje në Kharkov.
Lajmi për vdekjen e Simonov u konfirmua nga Alexei Arestovich, një këshilltar i presidentit ukrainas Volodymyr Zelensky. Arestovich u tha shikuesve në YouTube se ai ishte informuar për vdekjen e Simonov nga burime të mirëinformuara ushtarake.
Simonov ishte udhëheqësi i luftës kibernetike në Ushtrinë e Dytë të Kombinuar të Armëve, dhe më parë ishte një ish-komandant kibernetik në Distriktin Ushtarak Perëndimor. Ushtria ukrainase tha se kishte shkatërruar 30 automjete ruse gjatë sulmit me artileri.
Vdekja e Simonov i shtohet 36 kolonelëve dhe më shumë se 300 oficerëve rusë që kanë vdekur në Ukrainë deri më tani. Ai është oficeri i 42-të i rangut të lartë që vritet gjatë fushatës së Putinit. /tesheshi.com/
