Drejtori krijues i Lojërave Olimpike të Tokios, Hiroshi Sasaki, ka njoftuar dorëheqjen pasi bëri një koment nënçmues për njw comedian tw njohur japonez.
Sasaki tha që në komunikim me ekipin e tij përmes një bisede në grup, se komediania Naomi Watanabe mund të interpretojë si “Olympig” në hapjen e Lojërave.
“Kishte një shprehje shumë të papërshtatshme në idetë dhe vërejtjet e mia. Unë sinqerisht i kërkoj falje asaj dhe njerëzve që nuk ndihen rehat për shkak të përmbajtjes së tillë,” tha Sasaki.
Dorëheqja e Sasakit erdhi pasi e përjavshmja Shūkan Bunshun raportoi deklaratat e tij të papërshtatshme.
Një goditje tjetër për Lojërat 2020
Watanabe tha se ajo ishte e befasuar nga komentet e tij dhe e lumtur për format e saj trupore, për të cilat Sasaki aludoi në deklaratën e tij.
Seiko Hashimoto, e cila u zgjodh presidente e Komitetit Organizativ të Lojërave Olimpike të Tokios pas dorëheqjes së fundit të presidentit të mëparshëm Yoshiro Mori për deklarata seksiste, tha se ishte e tronditur nga komenti dhe pranoi dorëheqjen e Sasakit, duke pasur parasysh se barazia gjinore është një përparësi për këtë organizimi.
Agjencia deklaron se me vetëm katër muaj deri në fillimin e Lojërave Olimpike, largimi i CEO-së përgjegjës për ceremonitë e hapjes dhe mbylljes është një tjetër goditje për Lojërat 2020, të cilat janë shtyrë për këtë vit për shkak të pandemisë COVID-19. /tesheshi.com/
