1 Shtator – Sportklub Tirana fiton 7 me 0 me grekët e Iraklisit dhe e ngren lart emrin e futbollit shqiptar. Historia mediatike e përcjellë nga Radio Tirana, do të ishte mediumi që do ta bënte akoma më të dashur për shqiptarët futbollin apo siç njihej asokohe topekambën. Zëri i Anton Mazrekut do të përcillte me shumë emocion te dëgjuesit nga fusha e Shallvareve lojën dominuese të Tironës me shtatë golat ndaj Iraklisit.
1 shtatori i vitit 1938, ka hyrë në historinë e radiofonisë shqiptare si dita e transmetimit për herë të parë të një ndeshjeje futbolli nga Radio Tirana. Eshtë pikërisht pragfillimi i ndeshjes SK Tirana-Iraklis (Greqi) 7-0, e cila u transmetua direkt ne radio.
Në foton ilustruesem i pari nga e djathta është sekretari i Sportklubit Xhemal Sojli. I treti nga e djathta Presidenti Selman Stermasi dhe dy zotërinjtë e tjerë janë përfaqesues të klubit mik nga Greqia. (Fotoja dhe informacionet u morën nga z. Bektash Pojani/ dhe faqja TIRONA.)
Radio Tirana i ka nisur transmetimet e saj më 1 shtator 1938 me një fjalim të mbajtur live nga Naltmadhnia e tij Mbreti Zog I, mbret i Shqiptarëve, plot 85 vite më parë.
Përgatiti: Roald Hysa – /tesheshi.com/
