Edhe këtë fundjave siç është bërë rit ka pasur përplasje për këndin e lojrave te Liqeni Artificial në Tiranë, por me më shumë eksese.
Në këtë manifestim kanë marrë pjesë edhe aktivistë të PD-së, të cilët kanë prishur rrethimin e vendosur nga kompania që ndërton këndin e lojrave.
Konfrontimi ka ardhur pasi protestuesit kanë prishur rrethimin për këndin e lojrave dhe kanë tentuar të ngrenë çadra brenda rrethimit, ku tashmë punimet kanë nisur.
Deputeti i Partisë Demokratike, Gerti Bogdani ka akuzuar policinë bashkiake se ka ushtruar një “dhunë të turpshme ndaj qytetarëve”.
“Policia bashkiake po kthehet në policinë e interesave të betonit. Projekti i bashkisë është pa leje mjedisore dhe sërish sot, këtu është ngritur një mur betoni”, ka thënë Bogdani. /tesheshi.com/
