Nëse ju keni blerë fanelën e lojtarit tuaj që tashmë është transferuar në ndonjë skuadër tjetër nuk keni pse ta hidhni. Duhet të shikoni mundësitë për të rimodeluar atë me emra të tjerë të skuadrës, apo edhe me pseudonimet e tyre.
“Tesheshi.com” u sjell disa fanela të modifikuara nga tifozët:
1. Nga Di Maria në Mata
Largimi i argjentinasit Angel Di Maria nga Manchester United ka lënë me shije të hidhur shumë nga fansat e United. Por, disa prej tyre e kanë marrë me humor dhe fanelën e tij e kanë zëvendësuar me atë të Matas.
2. Nga Sterling në Ings
Largimi i talentit anglez Rahem Sterling nga Liverpooli te Manchester City nuk u prit mirë nga tifozët e kuq. Mirëpo, jo krejtësisht të dëshpëruar pasi në skuadër kanë talentin tjetër anglez Ings, nga i cili mund të përfitojnë edhe me fanelat e Sterlingut, vetëm duke i rimodeluar.
3. Nga Torres në Lambert
Ndonëse aspak për nga sinkronizimi i emrave, por Torresin dhe Lambertin e bashkon numri i ngjajshëm i fanelës “9”. Një tifoz kishte vendosur që mbi emrin e sulmuesit spanjoll ta shkruajë atë të anglezit Lambert duke kursyer kështu me blerjen e fanelave të reja.
4. Nga van Persie në Wilshare
Transferimi drejt Manchester United i sulmuesit holandez Robin van Persie ka prekur tej mase ndjenjat e tifozëve të Arsenalit. Numri i shumtë i fanelave të shitura tek “topçinjtë” regjistrohet pasi pothuajse çdo tifoz i Arsenalit ka një fanelë të tij. Për të mos shpenzuar më tepër pas largimit të lojtarit, tifozët vendosën emrin Wilshare.
5. Nga Fabregas në BFG
BFG është sinonimi i mbrojtësit gjerman Per Mertesacker. Tifozët e Arsenalit përdorën fanelën e Fabregasit me numrin katër, ish futbollistin e tyre duke i marrë vetëm shkronjat B,F dhe G. Ky akronim i këtyre shkronjave është titulli i një libri për fëmijët e vegjël i shkruajtur nga Roald Dahl, të cilin e ka shumë qef Mertesacker.
BONUS: Ndërro fanelën e Balotellit me atë të legjendës Fowler
Tifozët e Liverpoolit të irrituar me sjelljet e pahijshme të sulmuesit italian Mario Balotelli vendosën të hidhnin në ankand fanelat e tij për t’i zëvendësuar me ato të sulmuesit legjendar të “The Reeds”, Robie Fowler.
/tesheshi.com/
