Detaje të reja vijnë nga fundosja tragjike, por dhe poshtëruese në terma lufte, e luftëanijes ruse “Moskva”, e goditur nga forcat ukrainase.
Një regjistrim audio përcjell ankthin e njerëzve aty, ku një anëtar i ekuipazhit bën thirrje dëshpëruese për ndihmë përpara se anija luftarake të fundosej.
Ushtria ukrainase pretendon se ky regjistrim është para mbytjes së anijes 12,490 tonëshëe në Detin e Zi. Zëri në regjistrim dëgjohet të thotë se anija është goditur dy herë dhe tani ajo po anon anash.
Rusia ka pretenduar më parë se anija u mbyt më 14 prill pas një shpërthimi municioni në bord.
Kujtojmë se komandanti i saj, admirali Igor Osipov, nuk është parë i gjallë që nga mbytja, por Kremlini mohon se ai ka vdekur në bord.
“Komunikimi është ndërprerë, ka heshtje. Po shkon anash, po anohet. Pjerrësia është 30 gradë. Po shkon anash. Nuk ka asnjë mënyrë për të lëvizur. Ne do të përpiqemi të bëjmë një shpëtim të ekuipazhit,” thotë zëri në regjistrim.
Është raportuar gjithashtu se SHBA-ja se ka ndihmuar Ukrainën në fundosjen e “Moskva”-s. Një zyrtar amerikan tha se SHBA ndanë me inteligjencën ukrainase koordinatat e vendndodhjes së kryqëzorit të raketave ruse, por që nuk e dinin se Ukraina kishte planifikuar të godiste luftëanijen e famshme ruse. /tesheshi.com/
https://youtu.be/pyzWaTzhJMA
