Aktori John Snyder, i cili njihet për rolin e tij si “Bo” në serialin televiziv “Dukes”, thuhet se ka bërë thirrje që presidenti amerikan Joe Biden të varet në publik në një postim në X.
Snyder në fakt ka kërkuar që të njëjtën gjë t’i ndodhë edhe djalit të tij Biden, duke e akuzuar presidentin amerikan për tradhti.
“Zoti President besoj se ju jeni fajtor për tradhti dhe duhet të vareni publikisht. Po kështu edhe djali juaj. Pergjigja juaj? Sinqerisht i yti, John Snyder”, ka shkruar ai në postimin e tij, të cilin më vonë e ka fshirë.
Snyder e bëri këtë koment në përgjigje të një postimi të Biden, në të cilin presidenti amerikan e quajti ish-presidentin Donald Trump “një kërcënim të shumëfishtë për vendin tonë”. “Por rreziku më i madh është për demokracinë tonë. Nëse e humbim atë, do të humbasim gjithçka”, përfundoi Biden në postimin e tij.
Pas zhurmës që u krijua, Snyder në deklaratën e tij në faqen e internetit Deadline mohoi që me postimin e tij të bënte thirrje për ekzekutimin e Biden.
“Në asnjë mënyrë nuk kam bërë thirrje për ndonjë akt dhune dhe nuk kam kërcënuar presidentin e Shteteve të Bashkuara. Është mendimi im, të cilin kam të drejtë ta mbaj, se disa nga udhëheqësit tanë në Uashington kanë humbur rrugën e tyre dhe korrupsioni mbretëron si brenda kufijve tanë ashtu edhe jashtë saj. Transparenca dhe llogaridhënia duhet të ekzistojnë nëse demokracia jonë kushtetuese do të qëndrojë. Nuk ka asnjë kërcënim apo sugjerim për një gjë të tillë në deklaratën time”, pohoi aktori amerikan. /tesheshi.com/
