Ndërkohë që lufta në Siri vijon prej pesë vitesh, Halepi është një prej pikave më të nxehta në hartën e luftimeve.
Edhe pse kohë pas kohe ka patur armëpushime, herë të pjesshme e herë në tërë Sirinë, Halepi rrallë ka ndodhur të ketë patur ditë të qeta.
Pjesë të qytetit kontrollohen nga ushtria siriane, ashtu siç pjesë të tjera janë nën kontrollin e forcave rebele.
Mbi qytet ndodh të ketë bombarime të avionëve sirianë, por edhe të atyre rusë. Ndërsa në terren nuk mungojnë dhe luftëtarë iranianë të Hezbullahut, që luftojnë në krah të regjimit sirian.
Halepi, dikur krenaria e Sirisë, është kthyer në gërmadhë. Por edhe aty, mes rrënojave, njerëzit kanë kërkuar t’u gëzohen ditëve të mbarimit të Ramazanit, t’i gëzohen festës së Bajramit. Dhe si një mënyrë për ta kthyer vështrimin e botës nga ata, kanë zgjedhur të shkruajnë në flete letre në arabisht e në anglisht, “Ndalojini avionët luftarakë! Duam të kemi Bajram”. /tesheshi.com/
