Të paktën 284 të vdekur dhe 2323 të plagosur nga tërmeti që goditi Turqinë
Të paktën 284 persona janë vrarë dhe 2323 janë plagosur në dhjetë provinca turke që nga një tërmet i fortë që goditi pjesët jugore të Turqisë të hënën në mëngjes, tha zëvendëspresidenti turk Fuat Oktay, raporton Anadolia.
Gjithsej 1710 ndërtesa u shembën nga tërmeti, tha Oktay në një konferencë për shtyp.
Epiqendra e tërmetit u regjistrua në rrethin Pazarcik në Kahramanmaras të Turqisë dhe pasuan 50 pasgoditje, më e forta prej të cilave ishte 6.6 ballë të shkallës Rihter.
Provincat e Gaziantep, Sanliurfa, Diyarbakır, Adana, Adıyaman, Malatya, Osmaniye, Hatay dhe Kilis u prekën gjithashtu rëndë nga tërmeti.
Unfortunately seems like scope of #TurkeyEarthquake will be beyond what we may imagine
Colossal devastation in multiple cities with well over 100k populations#Prayforturkey#TurkeyQuake#DEPREMOLDU#deprem pic.twitter.com/aLXcs3iQRh— Kaliforniyali (@CalifornianPal) February 6, 2023
Tërmeti u ndje edhe në Sirinë fqinje, ku të paktën 427 persona humbën jetën dhe qindra u plagosën. Lëkundjet e tokës janë ndjerë edhe në Irak, Liban, Egjipt dhe rajone të tjera.
“Presidenti Recep Tayyip Erdogan ka monitoruar dhe menaxhuar ngjarjet që nga momenti i tërmetit”, tha Oktay.
Ai shtoi se aeroporti i Hatay është aktualisht i mbyllur për fluturime, duke thënë se ata gjithashtu kanë mbyllur Kahramanmaras dhe Gaziantep për fluturimet civile.
#TurkeyEarthquake , pray for #Turkey 🙏🏻🙏🏻🙏🏻💔💔💔💔😥😥😥😥😥 pic.twitter.com/25DegDqUPq
— gazali ather🇵🇸 (@AtherGazali) February 6, 2023
Në Twitter, Erdogan shprehu ngushëllimet e tij për qytetarët e prekur nga tërmeti dhe shtoi se janë angazhuar Administrata e Situatave Emergjente të Turqisë (AFAD) dhe institucione dhe agjenci të tjera shtetërore.
Ai theksoi se ekipet e shpëtimit janë dërguar menjëherë në zonat e prekura nga tërmeti.
Death toll crosses over 500 as the Buildings continue to collapse after powerful earthquake hit Turkey and Syria…#earthquake #Turkey #Syria #TurkeyEarthquake #TurkeyQuake pic.twitter.com/x5WL3OXD6W
— Jyot Jeet (@activistjyot) February 6, 2023
Imazhet që vijnë nga pasojat të kujtojnë tërmetin tragjik të gushtit 1999 në perëndim të Turqisë.
Situatën e rëndojnë më tepër dhe temperaturat e ulëta nën zero.
Ndër vendet e para që kanë shprehur solidaritet dhe ofrim ndihmë, janë SHBA-të. /tesheshi.com/
