Gazeta amerikane The Washington Post raporton se imazhet satelitore tregojnë se Arabia Saudite ka ndërtuar raketat balistikë nga e para fabrika e psaçme për këtë qëllim. Ajo u referohet ekspertëve të armëve dhe analistëve, duke thënë se kjo ngre pyetje “në lidhje me një rritje të ambicieve ushtarake e bërthamore të Mbretërisë nën sundimin e Princit të Kurorës Mohammed bin Salman”.
Gazeta sqaron se fabrika është e vendosur në një bazë raketore në Al-Wataha, pranë kryeqytetit Riad, por që nga imazhet satelitore nuk mund të konkludohet nëse objekti është përfunduar dhe funksional.
Megjithatë, një zëdhënës i ambasadës saudite në Uashington nuk pranoi të komentojë mbi natyrën e objektit.
Pentagoni, Departamenti i Shtetit dhe Agjencia Qendrore e Inteligjencës – CIA gjithashtu nuk pranuan të komentojnë mbi atë çfarë shkruan Washington Post.
Ekspertët theksojnë se Arabia Saudite aktualisht nuk ka një armë bërthamore, porse një fabrikë e mundshme për prodhimin e raketave “mund të jetë një element kryesor i çdo programi të mundshëm për armë bërthamore në Arabinë Saudite”
The Washington Post shton se nuk dihet se si sauditët do të marrin teknologjinë e nevojshme për ndërtimin e objektit, por një nga furnizuesit potencialë mund të jetë Kina.
Gazeta kujton se Princi Bin Salman, kur ai ishte ministër i Mbrojtjes në vitin 2015, pas kërcënuar se do të zhvillojë bombë bërthamore nëse këtë e bën dhe Irani. /tesheshi.com/
