Presidenti Thaçi, i është rikthyer sërish temës së formimit të ushtrisë duke thënë se në bashkëpunimin me NATO-n po punojnë për transformimin e FSK-së në ushtri dhe se janë në rrugë të drejtë.
Megjithatë ai sërish ka lënë shumë pikëpyetje pas duke mos dhënë një afat se kur mund të bëhet ushtria, por as si do ja bën me Listën Serbe e cila vazhdon të jetë kategorike se nuk do japë votat pro.
“Me gradimin e tre pjesëtarëve të komuniteti serb në Forcën e Sigurisë së Kosovës (FSK), po realizohet aspirata për një forcë multietknike dhe gjithëpërfshirëse. Me angazhimin e vet gjatë këtyre viteve, FSK tregon së është forcë në shërbim të të gjithë qytetarëve të vendit. FSK ka ngritur nivelin e profesionalizmit në një shkallë më të lartë, duke kryer me profesionalizëm çdo detyrë që i është dhënë deri më tani. FSK është bërë forcë që gëzon besimin nga të gjithë qytetarët dhe institucioni që garanton stabilitetin e Kosovës”, tha Thaçi në ceremoninë e gradimit të tre pjesëtarëve të komunitetit serb, në FSK, e mbajtur në Batalionin e Parë të kësaj force në Gjilan.ka shtuar Thaçi.
Ai më tutje ka shtuar se duke parë këto të arritura të FSK, është i bindur që kjo forcë është e gatshme të marrë detyra të reja dhe të kontribuoj sipas tij, për paqen dhe sigurinë edhe përtej Kosovës. /tesheshi.com/
