Presidenti Hashim Thaçi ka folur sërish për ushtrinë me ç’rast ka thënë se ndërkombëtarët mund të bindin për pesë minuta Listën Serbe për të votuar ushtrinë.
Ai ka thënë se nëse nuk arrihet që të binden serbët ushtria do themelohet përmes ndryshimit të ligjeve.
“Bashkësia ndërkombëtare duhet të ushtroj një presion pozitiv në Beogradin zyrtar që mos e frenoj perspektivën e Kosovës dhe që të nxjerr këshillat e duhura për Listën Serbe të Kosovës që mos të jetë pjesë e projektit apo nxitjes së projektit për bojkot, por të jetë pjesë e angazhimeve për votim në Kuvend. Ne e ndajmë të njëjtin qëllim dhe vizion më SHBA-të dhe me NATO për themelimin e Forcave të Armatosur atë Kosovës. Natyrisht se ka opione se a duhet të lëvizet me ligj apo përmes ndryshimeve kushtetuese, edhe ne favorizojmë ndryshimet kushtetuese, por nuk do të mbesim peng të disponimit të Beogradit, nëse kjo e fundit nuk ndikon në kuptimin pozitiv te lista serbe, ne do të lëvizim me planin B… Të gjithë atë që e kam deklaruar qëndrojë 100 përqind”, deklaroi Thaçi në hapjen e organizimit “Java e Gruas”.
Ndërsa, Lëvizja Vetëvendosje përmes një tryeze diskutimi është shprehur skeptike për mënyrën si është sjell në Kuvend ligji për ushtrinë.
Deputeti i VV-së, Rexhep Selimi tha se pavarësisht vërejtjeve serioze që kanë në strukturimin e këtij projektligji, subjekti i tyre mbështet ndryshimet kushtetuese.
Selimi ka theksuar se më tej se presidenti Thaçi ka bërë një gabim të madh duke mos u koordinuar me faktorët ndërkombëtarë për këtë.
“Ka ndodhur një gabim që nuk do të duhej të ndodhte moskoordinimi me faktorët ndërkombëtar qeverinë, ministrinë e FSK-së, opozitën”, ka thënë Selimi.
Kujtojmë se kryeministri Mustafa ka dale hapur kundër Thaçit duke thënë se ushtria nuk do të formohet pa përkrahjen e SHBA-së dhe NATO-s. /tesheshi.com/
