Presidenti i Kosovës, Hashim Thaçi, në prag të takimit të Këshillit Veriatlantik të NATO-s, shpjegon përmes një letre drejtuar sekretarit të përgjithshëm të NATO-s, Jens Stoltenberg dhe shteteve anëtare të NATO-s se krijimi i ushtrisë së Kosovës ëhstë një hap i domosdoshëm kushtetues.
Në takim pritet të diskutohet edhe për nismën e plotësim-ndryshimit të ligjit për FSK-në nga ana e presidentit Thaçi. Në letër, presidenti shrkuan se Kosova e konsideron këtë transformim si një hap të domosdoshëm kushtetues dhe si të drejtë sovrane për të themeluar një forcë mbrojtëse për të mbrojtur integritetin territorial të Kosovës dhe për të kontribuar për paqen dhe sigurinë në rajon.
Ai ka shtuar se si President i Republikës së Kosovës dhe Komandant Suprem i FSK-së, ndjen obligim për të ofruar të gjitha argumentet e nevojshme ligjore dhe politike në favor të këtij procesi të transformimit, për të shmangur çfarëdo keqkuptimi tek NATO dhe anëtarët e saj. /tesheshi.com/
