Presidenti i Kosovës Hashim Thaçi, përmes një konference për shtyp këtë të mërkurë ka dashur të informojë opinionin për atë se çfarë u arrit në takimin e së martës në Bruksel me përfaqsuesit e Bogradit, në një tryezë të thirrur nga Mogherini direkt pas “murit” dhe “trenit”.
Ai ka konfirmuar se temë kryesore ka qenë ulja e tensioneve, gjë që sipas tij është arritur.\
“Jemi dakorduar që dialogu nuk ka alternativë. Dialogu ka arritur në kapitullin final dhe ku duhet të jetë e qartë se cili është rezultati përfundimtar i këtij procesi.
Unë shpresoj që me ndihmën e Mogherinit, ne do të mund të negociojmë dhe një marrëveshje politike përfundimtare për normalizimin e marrëdhënieve ndërmjet dy vendeve”, ka pohuar Thaçi.
Ai tha se vetëm një marrëveshje e tillë është garanci për paqe e stabilitetin rajonal.
“Është garanci për integrimin e Kosovës dhe Serbisë në BE”, ka shtuar Thaçi.
Ndryshe, palët janë pajtuar që të zhvillojnë takime të radhës në ditët në vijim, por nuk është caktuar një datë se kur do ulen sërish në tryezë. /tesheshi.com/
