Presidenti Hashim Thaçi, në ceremoninë ushtarake të FSK-së, të organizuar në kuadër të “Epopesë së UCK-së”, ka folur për themelimin e ushtrisë. Ai deklaroi se Kushtetuta, atij si komandant suprem i jep kompetenca të mjaftueshme për të ndërmarrë iniciativën e ndryshimit të ligjin e FSK-së, prandaj tha se shumë shpejt brenda kompetencave të tij kushtetuese do të ndërmarrë të gjitha veprimet ligjore që transformimi të bëhet realitet edhe nëpërmjet ndryshimit të ligjit.
Ndërkaq, duke folur për rezistencën e familjes Jashari, Thaçi, tha se si asnjëherë më parë më 5 mars 1998 u zhvillua një luftë e pabarabartë me armatim dhe në njerëz, ku familja Jashari u përballë me një makineri të pafund të serbëve, por kjo familje me një vendosmëri qëndroi deri në fund.
“Rezistenca e familjes Jashari ka hyrë në analet e kombit tonë si ndër sakrificat më madhore, kjo epope u shndërrua si asnjëherë më parë u shndërrua në forcë mobilizuese e të gjithë atyre atdhetarëve që kishin pritur momentin që të njenë në një ushtri me emrin autentik”, ka thënë ai.
Presidenti Thaçi shtoi se asnjë qëndrim i caktuar i çarqeve jo dashamirëse nuk mund ta njollos Ushtrinë Çlirimtarë të Kosovës. Edhe të burgosurit e UÇK janë heronjtë e popullit e Kosovës.
“UÇK mbetet trashëgimia jonë më madhe dhe më e pasur që ka krijuar . Ashtu siç do të jetë e përjetshme sakrifica e Jasharajve dhe gjithë dëshmorëve, ashtu do të jetë e përjetshme lavdia dhe emri i UÇK”, tha ai. /tesheshi.com/
