Gjatë qëndrimit në Ankara, Presidenti i Kosovës Hashim Thaçi, i tha Anadolu Agency se Rusia duhet të ndërrojë qasje ndaj Kosovës. Sipas tij, kjo e fundit nuk i ka sjell dëm këtij vendi. Madje sipas tij, Moska duhet të merr në konsideratë një proces të nisur pajtimi mes Kosovës dhe Serbisë.
“Jemi në prag të fillimit të një procesi të rëndësishëm të pajtimit. Unë mendoj se është koha e duhur që edhe Moska të fillojë të reflektojë për Kosovën, të respektojë vullnetin e popullit të Kosovës dhe, në kohën që ata vlerësojnë, të marrin vendimin për njohjen e realitetit kosovar”
“Kurrë në histori Rusisë nuk i ka ndodhur diçka e keqe nga Kosova. Prandaj, Kosova nuk e meriton këtë qasje të padrejtë të Rusisë ose ndëshkim”, kanë qenë këto deklarimet e kreu të shtetit të Kosovës.
Siç dihet, Rusia jo vetëm nuk e njeh Kosovën, por me tentativën për ta shtrirë ndikimin e vet në Ballkan, duke qëndruar gjithnjë kah Serbisë, rrezikon rikthimin e destabilitetit në rajon, të vendosur deri diku që pas përfundimit të luftës në Kosovës. Qëndrimet e Thaçit u shpalosën pikërisht në Turqi, vendin që gjithashtu tenton të jëtë krah Kosovës dhe përgjithësisht faktorit shqiptar në zhvillimet rajonale. /tesheshsi.com/
