Thaçi: Marrëveshjet shënojnë progres në rrugën e Kosovës, forcojnë shtetin

Numri dy në Qeverinë e Prishtinës, Hashim Thaçi i cilësoi marrëveshjet e arritura në Bruksel si progres që ndihmon në nënshkrimin e marrëveshjes së Stabilizim-Asociimit me BE-në, integrimin në NATO e liberalizimin e vizave. Përmes një postimi në Facebook, Thaçi vlerëson marrëveshjet që i quan investim për të ardhmen e fëmijëve.
Sipas tij, me marrëveshjet e nënshkruara, është forcuar Republika.
“Marrëveshja e nënshkruar sot shënon progres në telekom, integrimin energjetik, asociacion, barrikadën në lumin Ibër. Është ky një investim në të ardhmen europiane të fëmijëve tanë. Benifitet ekonomike dhe politike janë të qarta ndërsa tani presim edhe hapa të përshpejtuar në nënshkrim të MSA, integrim në NATO, liberalizim vizash, anëtarësi në UNESCO, INTERPOL dhe Këshill të Europës. Kjo përkthehet në stabilitet dhe investime ekonomike. Republika është forcuar”, shkruan ai./tesheshi.com/