Presidenti Thaçi i është drejtuar me një letër kreut të Vetëvendosjes Albin Kurti, duke kërkuar prej tij që të zgjidhë sa më parë emrin e kryeministrit, që më pas kreu i shtetit ta mandatojë sipas Kushtetutës.
“Si President i Republikës së Kosovës jam i obliguar që të ndërmarr veprime pa vonesa të mëtejme, duke ndjekur të gjithë hapat kushtetues që qytetarët e Republikës së Kosovës ta kenë sa më shpejtë qeverinë e tyre. Duke marrë parasysh parimet demokratike, transparencën dhe korrektësinë politike, ua kam dhënë mundësinë dhe kam kërkuar në vazhdimësi që ta propozoni kandidatin/en për Kryeministër”, thuhet në letrën e Thaçit.
Ky reagim i kreut të shtetit të Kosovës vjen pas afatizimit prej tij që brenda 48 orësh ta kishte emrin në tavolinë.
Por njeriu që pret të bëhet kryeministër vetëm pas arritjes së një marrëveshjeje bashkëqeverisjeje me LDK-në, gjë që nuk po mundet ta konkretizojë, pra Albin Kurti, nuk i është përgjigjur në kohë.
Letra e plotë:
