Politikani, i cili me ngulm po kërkon të bëhet president i Kosovës, Hashim Thaçi siç duket nuk e përjashton mundësinë që të ndjekë rrugën e opozitës kosovare, pra të thirrjes së përkrahësve në sheshet e Prishtinës për të bërë një anti-protestë.
“Për dy ditë ne mund t’i mbledhim 1 milion njerëz në sheshet e Kosovës dhe se nuk do të tërhiqemi para shantazheve të kujtdo qoftë”, deklaroi Thaçi.
Ai nuk ka lënë pa sulmuar opozitën duke thënë se kjo e fundit me dhunën që po përdor po e ndihmon PDK-në dhe LDK-në, por po e dëmton shtetin.
Opozita kosovare nuk e ka ndërmend të ndalet, pasi më 17 shkurt do të mbajë protestën e radhës me kërkesë dorëheqjen e qeverisë dhe shkuarjen e vendit në zgjedhje të parakohëshme.
/tesheshi.com/
