Hashim Thaçi ka deklaruar se do të inicojë një dekriminalizim të politikës së Kosovës por edhe drejtësisë.
Në një debat të organizuar nga shoqëria civile, Presidenti i Koëovës tha se do të kërkojë zyrtarisaht ndryshime në Kodin Penal njësoj siç Partia Demokratike ka bërë në Shqipëri.
“Njerëz me aktakuza të mos jenë në institucione, as në nivel qendror, as nivel lokal. Por kjo do të zgjerohet. Do të kërkojmë që të ketë kod edhe në kuptimin e mediave dhe financimin e mediave, edhe të shoqërisë civile, por natyrisht edhe zhvillimin e bizneseve. Sepse kërkohet një pastrim i tërë sistemit”, ka deklaruar Thaçi.
Në lidhje me Gjykatën Speciale, Thaçi tha se do të heqë njollat e zeza që i janë veshur Kosovës.
“Vendimi për themelimin e Gjykatës Speciale ka qenë vendim i drejtë. Ka qenë e nevojshme dhe e domosdoshme që gjëra të tilla që i vishen njerëzve në Kosovë apo Kosovës të çlirohen njëherë e përgjithmonë”, ka deklaruar Thaçi.
/tesheshi.com/
