Presidenti Thaçi dhe kryeministri Haradinaj, e kanë shpalosur ndarjen mes tyre për çështjen e kufijve duke qenë krah njëri-tjetrit, gjatë një ceremonie në Marinë të Skënderajt. Aty, ata morrën pjesë në inaugurimin e një kompleksi memorial të rënëve të UÇK-së, pork u dhe shpalosën vizionin e tyre të kundërta, gjithnjë për temën e mprehtë të kufijve
Në fillim qe Thaci ai që tha se “po punojmë intensivisht për anëtarësimin e Kosovës në Interpol. Presim me të drejtë në muajt e ardhshëm liberalizimin e vizave. Po punojmë fuqishëm në koordinim me miqtë tanë, SHBA-në dhe Bashkimin Evropian, NATO-n, për shndërrimin e FSK-së në Forca të Armatosura të Kosovës, në ushtri të Kosovës. Forcat e Armatosura të Kosovës, ushtarët tanë të cilët do ta ruajnë kufirin Kosovë Serbi. Si dhe në kuadër të dialogut të shtetit të Kosovës dhe Serbisë, do të punojmë në mënyrë unike që të arrijmë marrëveshje paqësore, duke nënkuptuar njohje reciproke, njohje nga 5 vendet e BE-së, anëtarësim në NATO, BE dhe OKB. Dhe në kuadër të marrëveshjes për korrigjimin e kufijve, korrigjime historike përfshi edhe për bashkimin e Luginës së Preshevës, Medvegjës dhe Bujanovcit me territorin e Kosovës”, ka thënë Thaçi.
Por ndaj kësaj fraze të fundit ka reaguar Haradinaj:
“Çfarë borxhi tjetër iu kemi këtyre që kanë rënë për liri? Eshtë e thjeshtë: iu kemi borxh me e forcua lirinë, atë për të cilën ata kanë rënë, me forcua shtetin. Me u forcua si popull në ekonomi, politikë të brendshme e të jashtme. Me e rujt Kosovën, me e rujt në territorin e vet dhe kufijtë e vet me i rujt të paprekshëm prej kurrkujt. Qoftë ai këtu me ne, qoftë tjetërkund, për shkak se këta kufij na i kanë lënë amanet këta që po i rehatojmë”, ishin fjalët e Haradinajt. /tesheshi.com/
