Presidenti Hashim Thaçi, gjatë ditës së sotme ka bërë homazhe te monumenti “Gjergj Kastrioti Skënderbe”, në Kozencë. Ai përmes një shkrimi në Facebook, ka thënë se Skënderbeu është i përjetësuar te arbëreshët si personifikim i shpirtit heroik të shqiptarëve.
“Këngët popullore arbëreshe ruajtën kujtimin e luftërave të lavdishme të heroit tonë kombëtar, për të kulmuar me veprën e Jeronim De Radës për Skënderbeun, si dhe shpalosjen e përmasave të figurës së tij nga Rilindja Kombëtare”, ka shkruar Thaçi.
Kujtojmë se Thaçi mbrëmë ka takuar arbëreshë të Shën Benediktit, ndërsa kanë shpalosur kujtime nga e kaluara dhe të arriturat e komunitetit arbëresh në Kalabri./tesheshi.com/
