Presidenti Thaçi ka realizuar porcionin ditor të të shprehurit pro asaj që e konsideron korigjim kufijsh me Serbinë. Risia e konferencës së radhës, të shndërruara në seri këto ditë, ka qenë e dhëna prej 400 km vijë kufitare, që sipas tij, me anë të një marrëveshjeje të dyanshme, mund të korigjohet; e përkthyer kjo me futjen e Luginës në Kosovë.
“Synimi nuk është ndryshimi i kufijve, por korrigjimi i tyre. Kemi 400 km kufijtë që mund të korrigjohet. Kjo nënkupton bashkëngjitjen e plotë në tërësi të Preshevës, Bujanovcit dhe Metvegjës”, tha Thaçi.
Në distancë ai i është përgjigjur dhe gjuhës militare të kryeministrit Haradinaj, i cili nga ana e tij është kundër çdo ndryshimi kufijsh, duke thënë se vetëm lufta mund ta bëjë.
“Koha e luftës ka përfunduar nuk do të ketë ndarje shkëmbim. Korigjim mund të ketë nëse ndodh pajtueshëmëri e dy anshme. … Edhe kështu shqiptarët e Medvegjes e Bujanovcit janë duke ardhur në Kosovë. Janë shpërngulur mbi 12 mijë shqiptarë dhe kanë ardhur në Kosovë”, theksoi presidenti kosovar. /tesheshi.com/
