Raketa e parë ajër-ajër e Turqisë e projektuar dhe prodhuar në vend, Gokdogan, është testuar me sukses dhe ka goditur objektivin e saj me saktësi të përsosur, tha të mërkurën ministri turk i Industrisë dhe Teknologjisë, Mehmet Fatih Kacir.
“Gokdogan, raketa e parë ajër-ajër vendase dhe kombëtare përtej rrezes vizuale të vendit tonë, goditi objektivin – një aeroplan me goditje direkte në një gjuajtje provë. Kjo është një lëvizje teknologjike kombëtare për një Turqi plotësisht të pavarur në teknologjitë kritike,” postoi Kacir në X, duke shpërndarë një video të testimit të Gokdogan, raporton Anadolu.
Gokdogan është një raketë ajër-ajër e zhvilluar nga Këshilli i Kërkimeve Shkencore dhe Teknologjike të Turqisë (TUBITAK).
Ülkemizin ilk yerli ve milli havadan havaya görüş ötesi füzesi #GÖKDOĞAN, atış testinde hedef uçağı tam isabet vurdu.
🚀🎯Kritik teknolojilerde tam bağımsız Türkiye için #MilliTeknolojiHamlesi! 🇹🇷@Tubitak @SageTubitak @TCSavunma @SavunmaSanayii pic.twitter.com/n0aShdhSLi
— Mehmet Fatih KACIR (@mfatihkacir) February 12, 2025
Raketë me kërkues radar aktiv
Kjo është pjesë e një familjeje raketash me kërkues radar aktiv për rreze të mesme dhe përtej rrezes vizuale.
Raketa është projektuar në periudhën 2013-2024.
“Aftësia raketore ajër-ajër është një nga elementët më të rëndësishëm të dominimit dhe parandalimit të ajrit. Gokdogan është një hap strategjik që forcon fuqinë tonë lokale dhe kombëtare në këtë fushë,” tha Haluk Gorgun, kreu i Sekretariatit të Industrisë së Mbrojtjes të Turqisë.
“I përgëzoj të gjitha institucionet, inxhinierët dhe industrinë tonë, veçanërisht Institutin e Kërkimit dhe Zhvillimit të Industrisë së Mbrojtjes të TUBITAK, i cili kontribuoi në këtë sukses”, shtoi ai. /tesheshi.com/
