Kryeministri Paolo Gentiloni ka nisur punën për të kaluar sfidën e radhës, atë të “provës së tretë”, duke i kërkuar senatit italian votëbesimin për qeverinë e re. Ai i kërkoi Senatit për ta mbështetur dhe për këtë ai shprehu besimin se kjo fazë do kalojë me sukses.
“E di që e kam mbështetur plotësisht reformën kushtetuese që është miratuar në mënyrë të përsëritur, por ju e dini po aq mirë që qytetarët italianë kanë vendosur në një referendum rezultatin përfundimtar. Thonë se besimi që unë kërkoj në emër të qeverisë në Senat është një besim pak “i veçantë”. unë shpreh besimin tim në Senat dhe përgjegjësive të saj”, u shpreh Gentiloni.
Një ditë më parë, qeveria e re ka mundur të sigurojë 368 vota pro nga ligjvënësit në Dhomën e Deputetëve, ndërsa është votuar kundër nga 105 të tjerë.
Për t’u ulur në detyrën e Kryeministrit, atij i duhet të kalojë edhe “testin e dytë”, pra të fitojë votëbesimin e të dyja Dhomave të Parlamentit.
Pritet që Gentiloni të mbajë postin e kryeministrit deri në muajin Shkurt të vitit 2018./tesheshi.com/
