Presidenti amerikan Donald Trump tha të premten se testet e fundit të raketave nga ana e Koresë së Veriut mund të kenë shkelur rezolutat e Kombeve të Bashkuara por jo marrëveshjen midis tij dhe Kim Jong-un.
Trump shkroi në Tëitter se Pyongyang kishte testuar tre raketa me rreze të shkurtër ditët e fundit dhe se kjo nuk ishte në kundërshtim me marrëveshjen e tyre të nënshkruar në Singapor, pasi nuk bëhej fjalë për raketa me rreze të shkurtër.
“Kim nuk dëshiron të më zhgënjejë”, vuri në dukje presidenti amerikan, i cili tha se potenciali i Koresë së Veriut nën udhëheqjen e Kim, është jashtë kufijve.
Edhe këshilltari i Sigurisë Kombëtare i SHBA, John Bolton tha më herët se testet e raketave të fundit të Koresë së Veriut nuk ishin në kundërshtim me premtimin e bërë nga udhëheqësi i tyre Kim Jong-un për presidentin amerikan Donald Trump, por që Pyongyang tani duhet të thotë kur do të rifillojnë negociatat për nivelin e punës. /tesheshi.com/
