Sulmi i një nate më parë në një klub nate në Stamboll, siç dihet tashmë është i disati në radhë. Pothuajse e gjithë 2016-ta ishte për Turqinë një vit terrori.
Më poshtë, po servirim listë-mortin e vitit që shkoi, së cilës për fat të keq iu shtuan dhe afro 40 viktima të orëve të para të 2017-ës.
-17 dhjetor, provinca Kayseri: një sulm vetëvrasës me autobombë që kishte për shënjestër një autobus publik që po transportonte ushtarë që ishin jashtë detyrës, vrau 13 vetë dhe plagosi 56 tjerë.
-10 dhjetor, Stamboll: një sulm i dyfishtë me bombë jashtë stadiumit të Beshiktashit vrau 44 persona dhe plagosi 149 sosh.
-24 nëntor, Adana: një autobombë vë në shënjestër një ndërtesë të qeverisë, vriten së paku dy njerëz dhe plagosen 33 të tjerë.
-4 nëntor, Diyarbakir: autobombë pranë një autobusi me policë kundër trazirave, vret së paku 11 njerëz, përfshirë dy policë. Një grup militant kurd dhe IS marrin përgjegjësinë.
*-10 tetor, Dicle: vritet një zyrtar i lartë lokal i Partisë për Drejtësi dhe Zhvillim, pasi sulmues hapin zjarr në një stacion karburanti, pronar i së cilës ishte vetë viktima.
-9 tetor, provinca Hakkari: militantët kurdë shpërthejnë një autobombë jashtë një postblloku ushtarak në juglindje, duke vrarë 10 ushtarë dhe tetë civilë.
-8 tetor, Ankara: dy kamikazë hedhin veten në ajër, pas refuzimit të dorëzohen në polici. Askush tjetër nuk është lënduar.
-6 tetor Stamboll: shpërthen një motoçikletë-bombë pranë një stacioni policor, duke plagosur të paktën 10 njerëz.
-12 shtator, Van: një autobombë plagos 50 njerëz jashtë selisë komunale të partisë në pushtet.
-26 gusht, Cizre: një kurd kamikaz në kamion të ngarkuar me eksploziv hidhet në një pikë kontrolli të policisë, duke vrarë të paktën 11 zyrtarë dhe duke plagosur 78 njerëz të tjerë.
-20 gusht, Gaziantep: vetëvrasës me bombë – me gjasë një i fëmijë i moshës 12-vjeçare – vret së paku 51 persona në një aheng dasme. ISIS dyshohet për drejtimin e sulmit.
-18 gusht, Elazig: një autobombë në selinë e policisë vret së paku pesë vetë dhe plagosë më shumë se 140.
-17 gusht, Van: një autobombë në një stacion policie vret një oficer policie dhe dy civilë; 53 civilë dhe 20 policë të plagosur.
-15 korrik: rreth 270 njerëz vdesin në përpjekje për një grusht shtet ushtarak.
-28 qershor, aeroporti Ataturk në Stamboll: tre kamikazë të armatosur me pushkë sulmojnë aeroportin, duke vrarë 44 vetë dhe duke plagosur gati 150.
-17 qershor, Stamboll: shpërthen një autobombë ndërkohë që një automjet i policisë kalon pranë, duke vrarë 11 njerëz.
-8 qershor Midyat: një kurd me autobombë vret pesë persona dhe plagos 51 tjerë, përfshirë 23 civilë jashtë selisë së policisë në afërsi të kufirit Turqi-Siri.
*7 qershor Stamboll: një autobombë godet një autobus me njësi speciale të policisë gjatë orëve të pikut në mëngjes, duke vrarë 11 persona dhe duke plagosur 36. Një grup militant kurd merr përgjegjësinë.
-12 maj, Stamboll: një autobombë vë në shënjestër një garnizon ushtarak gjatë orëve të pikut, duke plagosur tetë njerëz.
-10 Maj, Diyarbakir: një autobombë godet automjetin e policisë që transportonte zyrtarë dhe shtatë militantë kurdë të ndaluar, duke vrarë tre persona dhe duke plagosur 45 të tjerë.
-1 maj, Gaziantep: një autobombë në hyrje të një stacioni policie vret dy oficerë, 22 njerëz të tjerë të plagosur.
-27 prill, Bursa: një femër vetëvrasëse me bombë plagos 13 vetë në një lagje historike të qytetit të katërt më të madh të Turqisë.
-12 prill, Gaziantep: një gazetar sirian vdes nga plagët nga sulm i pretenduar nga ISIS.
-31 mars, Diyarbakir: një autobombë vret shtatë policë dhe plagos 27 njerëz, përfshirë 13 policë.
-19 mars, Stamboll: një sulmues vetëvrasës turk vret pesë persona në një rrugë të qytetit, Istiklal. Zyrtarët turq thonë se sulmuesi ishte i lidhur me ISIS.
-13 mars, Ankara: një grua kurde kryen një sulm vetëvrasës duke shënjestruar një makinë në një qendër të frekuentuar, duke vrarë 37 persona.
-12 janar, 2016 Stamboll: një vetëvrasës me bombë vret 12 turistë gjermanë në një lagje historike. Autoritetet thonë se sulmuesi kishte lidhje me grupin Shteti Islamik. /tesheshi.com/
