Shpërthimi i së dielës në Taksim të Stambollit rikthen serinë e sulmeve terroriste në këtë vend, njëherësh një destinacion turistik për të gjithë botën.
Vala e më e madhe qe këtyre sulmeve qe në harkun kohor 2015-2017, ku qartazi tashmë janë tentativa destabilizuese ndaj një fuqie në ngritje, siç ëështë Turqia, tashmë me rol përcaktues në çdo zhvillim global.
Pra, midis 2015 dhe 2017, Turqia u godit nga një seri bombash vdekjeprurëse, të kryera nga grupi i armatosur ISIL dhe anëtarë të grupeve të ndaluara kurde.
Më poshtë është një kronologji e shpërthimeve në Turqi në këtë hark kohor:
Korrik 2015: Të paktën 30 persona u vranë dhe rreth 100 u plagosën pas një shpërthimi në qytetin juglindor turk Suruc, në kufirin me Sirinë.
Gusht 2015: Pesë oficerë policie dhe dy civilë u plagosën në një sulm me bombë në një stacion policie në Stamboll.
Tetor 2015: Dy shpërthime në një kryqëzim në qendër të kryeqytetit turk, Ankara, vranë të paktën 95 persona dhe plagosën rreth 200.
Shkurt 2016: Të paktën 28 persona mbetën të vrarë dhe 60 të plagosur në një shpërthim makine bombë në Ankara.
Mars 2016: Të paktën 37 njerëz u vranë dhe më shumë se 70 u shtruan në spital pasi një makinë bombë shpërtheu në Ankara.
Mars 2016: Të paktën pesë persona u vranë dhe 36 u plagosën pasi një shpërthim që besohet të jetë shkaktuar nga një kamikaz goditi rrugën popullore Istiklal në qendër të Stambollit, Sheshi Taksim.
Qershor 2016: Të paktën 41 persona u vranë dhe pothuajse 239 të tjerë u plagosën në një sulm në Aeroportin Ndërkombëtar Ataturk të Stambollit.
Gusht 2016: Më shumë se 50 njerëz u vranë dhe dhjetëra u plagosën në një sulm vetëvrasës në një ceremoni martese në provincën juglindore të Turqisë, Gaziantep, pranë kufirit me Sirinë.
Tetor 2016: Të paktën 18 persona u vranë në një sulm me makinë bombë në një objekt ushtarak në provincën Hakkari të Turqisë juglindore.
Nëntor 2016: ISIL mori përgjegjësinë për një makinë bombë që vrau nëntë persona në Turqinë juglindore të mbizotëruar nga kurdët.
Dhjetor 2016: Dy shpërthime goditën Stambollin, duke vrarë të paktën 38 persona, kryesisht oficerë policie dhe duke plagosur më shumë se 160 të tjerë.
Janar 2017: Të paktën 39 persona u vranë dhe dhjetëra u plagosën në një sulm në një klub nate të mbushur me njerëz në Stamboll.
Janar 2017: Një shpërthim jashtë një gjykate në Izmir vret të paktën dy persona, duke përfshirë një oficer policie, dhe plagos disa të tjerë.
Korrik 2019: Të paktën tre persona u vranë në një shpërthim makine bombë në qytetin jugor të Reyhanli, i cili është afër kufirit me Sirinë.
Shtator 2019: Shtatë persona u vranë dhe 10 u plagosën në provincën Diyarbakir, në Turqinë juglindore, kur një mjet shpërthyes i improvizuar në anë të rrugës shpërtheu ndërsa një automjet që transportonte fshatarë kalonte aty.
Nëntor 2022: Të paktën gjashtë persona u vranë dhe dhjetëra u plagosën të dielën, më 13 nëntor, kur një shpërthim tronditi një rrugë të frekuentuar këmbësore në qendër të Stambollit. /tesheshi.com/
