Rritet bilanci i viktimave në Indonezi, si pasojë e tërmetit që lëkundi dje ishullin indonezian Sumatra, në Pidie Jaya.
Sipas të dhënave të deritanishme, numri i viktimave ka arritur në 102, ndërsa kjo shifër pritet të rritet, pas kërkimeve që vazhdojnë nga grupet e shpëtimit.
Sipas mediave vendase, Agjencia për Kërkim Shpëtim ka njoftuar se për momentin në spitale janë 752 persona, prej të cilëve 136 janë ende në rrezik për jetën.
Nga ana tjetër, tërmeti ka bërë kërdinë sa i takon dëmeve materiale, pasi janë shembur 348 shtëpi, 3 shkolla, 14 xhami, dhe pa shtëpi kanë mbetur 3 mijë e 267 persona.
Ekipet e shpëtimit vazhdojnë kërkimet në rajonin e goditur nga tërmeti, ndërsa shërbimet kompetente kanë evakuuar banorët e kërcënuar.
Tërmeti 6.5 ballë i shkallës Rihterit goditi pjesën veriore të ishullit Sumatra një ditë më parë./tesheshi.com/
