Presidenti Meta nxorri këshilltarin e tij Bahri Shaqiri, për të mbrojtun qëndrimin e tij në lidhje një tërmet që mund të bijë në Greqinë fqinje, e prej tij të ketë pasoja dhe Shqipëria.
Një ditë më parë, kreu i shtetit i përcolli një letër qeverisë, duke i kërkuar info lidhur me masat e marra, pas një parashikimi të pretenduar nga një sizmiolog grek.
“Greqia nuk është fqinje e Zelandës së Re, por e Shqipërisë. Vonesat dhe paaftësia e dëshmuar nga pasojat e tërmetit në Korçë, ishte dhe është e mjaftueshme që Meta të kërkojë marrjen e masave në kohë”, u shpreh këshilltari Bahri Shaqiri, në një përpjekje për të sqaruar opinionin se kërkesa e presidentit ishte vërtet serioze.
Nga ana tjetër, sizmiologu grek Akis Tselentis i tha një mediaje të Tiranës se nuk ishte e vërtetë ajo që pretendohej të kish thënë ai.
“Asnjëherë s’kam bërë asnjë parashikim specifik për tërmete. E gjitha kjo është fake dhe qesharake”, citohet të ketë thënë Tselentis. /tesheshi.com/
