Numri i të vdekurve nga tërmeti të fortë që goditi ishullin indonezian të Lombokut është rritur me 131 sosh, ndërsa numri i të zhvendosurve është 156,000.
Mijëra turistë, kryesisht të huaj, ja kanë mbathur nga vendi me frikën e përsëritjes së lëkundjeve.
Ndërsa mnë terren gjendja vijon të jetë e rëndë. Shkatërrimet e shumta kanë lënë me qindra të pastrehë, ndërkohë që ekipet e shpëtimit vijojnë kërkimet.
Strehimet e improvizuara të fshatarëve janë të rregulluara pranë rrugëve ose përgjatë fushave të orizit, sepse shumë fermerë refuzojnë të largohen nga bagëtitë e tyre.
Indonezia qëndron në të ashtuquajturën Unazën e Zjarrit të Paqësorit dhe goditet rregullisht nga tërmetet. Në vitin 2004, cunami i shkaktuarnë Oqeanin Indian, vrau rreth 226,000 njerëz në 13 vende, nga të cilët më shumë se 120,000 në Indonezi. /tesheshi.com/
