Ka arritur në të paktën 49 të vdekur bilanci i viktimave nga lëkundjet e forta sizmike që kanë goditur sot Nepalin. Lajmi është bërë i ditur nga ministri i Brendshëm i Nepalit, i cili ka shtuar se mijëra persona janë lënduar.
Viktimave të Nepalit i janë shtuar,- siç raportojnë mediat indiane,- edhe 10 viktima në Indi. Vendi më i goditur dhe me më shumë pasoja nga tërmeti me magnitudë 7.3 gradë të shkallës Rihter është distrikti i Sindhupalchok në veri të kryeqytetit Kathmandu.
Të paktën 4 persona janë vrarë në Chautara, nën rrënojat e shkaktuara nga tërmeti i fundit. “Shumë ndërtesa janë shembur dhe janë bërë të pabanueshme”,- ka bërë me dije Paul Dillon, zëdhënësi i Oim, Organizatës Ndërkombëtare të Migracionit.
Për tërmetin e 25 prillit, Oim dërgoi një ekip shpëtimi në distriktin e Sindhupalchoëk. Në vijim, deri në këto momente, zëdhënësi i ministrisë së Brendshme, Laxmi Prasad referoi se dy persona të tjerë kanë ndërruar jetë në Sitapaila dhe Teku
Tërmeti është lajmëruar edhe në kryeqytetin e Indisë, New Delhi si dhe në atë të Bangladeshit, Dacca. Në Indi, burimet zyrtare bëjnë me dije se në Bihar, pranë me kufirin mes dy shteteve, një burrë ndërroi jetë pasi banesa e tij e zuri poshtë në distriktin e Siëan, rreth 250 kilometra nga Patna. Një tjetër person ndërroi jetë dhe dy të tjerë u plagosën në Uttar Pradesh.
Lëkundja sizmike prej 7.3 gradë të shkallës Rihter u ndie edhe në zonën në kufi me Kinën. Epiqendra e këtij tërmeti ishte 22 km në jug të qytetit Zham në Kinë, në kufi me shtetin himalajan, 88 kilometra në veri të Kathmandusë.
Edhe lëkundje të tjera me magnitudë 5 dhe 6 gradë të shkallës Rihter kanë tronditur Nepalin, rreth 10 minuta pas tërmetit të parë të fuqishëm. Lëkundjet janë regjistruar nga qendra sizmologjike mesdhetare Europiane. Tre lëkundjet e forta sizmike kanë zgjatur 30 minuta duke shkaktuar panik në popullsi. Lëvizjet e tokës kanë nisur në 12:50 me orën lokale. /tesheshi.com/
