Festa te Barcelona ka mundësi të ndalet për pak. Pas fitimit të ‘tripletës’ së famshme dhe nënshkrimit me futbollistin Alex Vidal, rradha është për ndryshime edhe në udhëheqësinë e klubit. Këtë pasdite është konfirmuar një konferencë e jashtëzakonshme për shtyp, ngase mësohet se presidenti i klubit blaugrana, Josep Maria Bartomeu, do të ofrojë dorëheqjen e tij dhe do të shpallë zgjedhjet e reja./
19 korriku pritet të jetë data, kur do të mbahen zgjedhjet e reja për ta formuar udhëheqësinë e klubit. Nga klubi nuk ikën vetëm presidenti Bartomeu, gjithashtu largohet e gjithë kryesia e klubit duke llogaritur në drejtorin sportiv, Toni Frekseria.
Bartomeu erdhi në krye të klubit në janar të vitit 2014, pas dorëheqjes së presidentit të asaj kohe Sandro Rosell. Për arsye të njëjta dorëhiqet Bartomeu: ai po akuzohet për evazion fiskal, në rastin e transferimeve të disa prej futbollistëve. Ai njihet për vendimet e tij kontraverse, siç ishte shkarkimi i drejtorit sportiv Andonio Zubizarreta si dhe emërimin e trajnerin Luis Enrike që në fund doli të jetë i suksesshëm pas fitimit të ‘tripletës’ e cila do të mbajë gjallë figurën e Bartomeut gjatë gjithë historisë së lavdishme të klubit. /tesheshi.com/
