Njoftimi surprizë i Rusisë për tërheqjen e pjesës më të madhe të forcave të veta nga Siria u prit me humor të zi, festime dhe postime pa fund në rrjetet sociale.
Avioni i parë rus u largua të martën nga Siria dhe në këtë kohë, reagimi i sirianëve, por jo vetëm i tyre po shpalosej me nxitim në median sociale.
Hashtagu në arabisht: “Putin po tërhiqet nga Siria” u bë shpejt trendi kryesor në të gjithë botën në rrjetin social Twitter dhe u përdor më shumë se 160 mijë herë. Pjesa më e madhe e mesazheve që u shpërndanë shpejt u postuan nga kombet e vendeve të Gjirit dhe sidomos nga Arabia Saudite, ndërsa disa përdorues vinin në dukje një stërvitje të fundit të ushtrisë saudite ku pretendonin se kjo frikësoi presidentin rus, Vladimir Putin.
Ndërkohë, kundërshtarët e presidentit sirian, Bashar al-Assad festuan për lajmin dhe e krahasuan tërheqjen ruse me ndarjen e dy të dashuruarve – edhe pse Rusia do të vijojë të kryejë sulme ajrore.
Një deklaratë e postuar në faqen zyrtare të Facebook të presidentit thotë se Putin dhe Assad kanë biseduar në telefon dhe se kanë rënë dakord bashkërisht për tërheqjen.
Ky version ngjarjesh përsëritet nga mbështetësit e Asadit të cilët akuzojnë palën tjetër se po përhap informacione të rreme.
Një imazh popullor që po qarkullon online është një pamje falco e një ekrani telefoni. Fotografia nuk është e re – ka qenë postuar edhe në lidhje me konfliktin sirian që të paktën në vitin 2014.
Një tjetër fotografi e shumëpërdorur i referohet një seri videosh që u shfaqën në fazat e hershme të luftës, kur dezertorët e ushtrisë siriane deklaronin aleancën e tyre me ushtrinë e Lirë Sirianë të opozitës përmes cameras, duke hedhur kartat qeveritare të identitetit dhe duke mohuar Asadin.
Fotografi të tjera dhe memo u shpërndanë gjerësisht në Facebook.
Përgatiti: Juli Prifti – /tesheshi.com/
