Presidenti Thaçi, njeriu kryesor i cili u akuza nga opozita ditëve të fundit se po dëshiron ta mbyt fjalën e lirë me kërkesën për ndryshim plotësimin e neneve të Kodit Penal që ndërlidhet me lirinë e shprehjes ka përshëndetur vendimin e Ministrisë së Drejtësisë për largimin e neneve kontesutese 134/C (“fyerja ndaj shtetit dhe simboleve të shtetit”) dhe 134/D (“fyerja ndaj organeve kushtetuese”) të dënuara me 3 deri 5 vjet burg.
Në kumtesën e Presidencës thuhet se “qysh në fillim të mandatit të tij, Thaçi ka kërkuar rishikimin e Kodit Penal dhe Kodit të Procedurës Penale që kanë të bëjnë me veprat penale të krimit të organizuar dhe korrupsionit, me qëllim që të luftohen këto dukuri”.
“Presidenti mirëpret debatin konstruktiv për këto tema dhe përshëndet vendimin e Ministrisë së Drejtësisë për tërheqjen e neneve kontestuese. Qysh në fillim presidenti ka kërkuar që të punohet drejt fuqizimit të këtyre kodeve, të cilat respektojnë të drejtat e njeriut dhe i përshtaten sistemit tonë gjyqësor duke adresuar specifikat e vendit tonë”, thuhet në kumtesën e Zyrës së Presidentit.
Kujtojmë se Ministria e Drejtësisë e drejtuar nga Dhurata Hoxha, para dy ditësh është dorëzuar pas presionit të madh si nga opozita ashtu dhe shoqëria civile për ndryshimet e paralajmëruara në Kodin Penal, që prekin lirinë e shprehjes. /tesheshi.com/
