Prokurorët bullgarë kanë vënë në pranga dy burra të akuzuar për terrorizëm, pasi vodhën dhe keqpërdorën të dhënat financiare të pothuajse të gjithë klientëve bankarë të Bullgarisë.
Georgi Yankov dhe Kristian Boykov punonin në kompaninë amerikane të sigurisë në internet Tad Group, e cila ka selinë e korporatës në kryeqytetin bullgar Sofia.
Prokurorët nuk dhanë komente lidhur me rastin.
Nga 7 milionë njerëz që jetojnë në Bullgari – të dhënat e më shumë se 4 milionë personave në vend u kompromituan, duke nënkuptuar që pothuajse çdo i rritur ishte prekur nga ky skandal.
Sipas gazetës financiare Capital, të dhënat e rrjedhura përfshinin gjithashtu dosjet nga rrjeti anti-mashtruese të BE-së, EUROFISC, i cili lejon administratat tatimore kombëtare të ndajnë informacion mbi aktivitetet mashtruese dhe të luftojnë mashtrimet e organizuara të TVSH-së.
Të mërkurën, agjencia tatimore tha se do të kontaktonte 189 bullgarë, emrat e të cilëve, numrat personal të identifikimit, adresat dhe detajet e kartës së identitetit ishin midis të dhënave të rrjedhura. /tesheshi.com/
