Një 23 vjeçar është kapur në kushtet e flagrancës duke vjedhur kasafortën e një hoteli në zonën e Dhërmiut.
Mateo Ramo, 23 vjeç, bashkë me një mikun e tij, tentuan të kryenin vjedhjen, por u zbuluan në kohë nga pronari i hotelit, që njoftoi policinë.
“Nga verifikimi paraprak ka rezultuar se dy shtetas (njëri prej tyre ende i paidentifikuar), kanë tentuar të vjedhin me dhunë e forcë, kasafortën e hotel-restorantit në pronësi të shtetasit K.M..
Në përfundim të hetimeve si edhe nga reagimi në kohë dhe puna e mirorganizuar prej strukturave të policisë është bërë e mundur kapja dhe arrestimit në flagrancë të shtetasit:
Mateo Ramo, 23 vjeç, banues në Vlorë.
Po punohet për identifikimin, kapjen dhe ndalimin e autorit tjetër të përfshirë në këtë vepër penale.
Materialet janë referuar në Prokurori për veprën penale ”Vjedhja”, parashikuar nga neni 134 i Kodit Penal”, thuhet në njoftimin e policisë. /tesheshi.com/
