Ministri i Jashtëm grek, Nikos Kotzias ka bërë së fundi deklarime që përcjellin meazhin e “uljes së armëve”, nga një tension disaditor mes Athinës dhe Tiranës, me deklarime nga më të ashprat këndej dhe andej kufirit, e gjeste po ashtu, siç ishte dhe ngritja e flamurit grek në kalanë e Himarës.
Kotzias ka përfituar nga një konferencë e përbashkët shtypi me homologun e tij gjerman, Steinmeier; ku dhe ka folur mbi mbështetjen greke ndaj Shqipërisë për hapjen e negociatave. Dhe brenda tyre ka futur fjalitë e nevojshme për “veshin” e Tiranës
“Rekomandimi dhe inkurajimi im për të është që të ulim tonet, të biem dakord në një rrugë europiane, të mund të zgjidhim menjëherë problemet tona, duke mos i lejuar ato të ndikojnë në procesin e integrimit europian të Shqipërisë.
Do të duket edhe më 12 dhjetor, në konkluzionet e KE-së, se ne duam integrimin e Shqipërisë në BE. Duam fqinjë europianë rreth nesh, sepse kështu kemi përfitim, por duhet veçse që Shqipëria të përmbushë të gjitha kushtet e kërkuara, si gjyqësorin, reformën administrative, luftën kundër krimit të organizuar, drogës, të drejtën e pronës dhe mbrojtjen e minoritetit etnik grek”.
Dhe më pas, ka bërë përshtypje dhe një fjali e tij me Enver Hoxhën brenda:
“Duhet të tejkalohet logjika e Hoxhës”, ka thënë Kotzias sa i përket trajtimit të minoritetit, sipas së cilit gjatë kohës së tij pakicat nuk kishin të drejta në hapësirat ku domionin si popullsi.
Por në gjykimin e shqiptarëve, gjatë kohës së Hoxhës minoriteti gëzonte të drejta që pakkush mund t’i gëzojë ndër pakica kudo në botë, edhe me shkollim në gjuhën e amtare, por sidomos me punësim në institucionet shtetërore . /tesheshi.com/
