Janë kthyer zhvillimet në Teatrit Kombëtar, ku e ashtuquajtur “Aleanca për Teatrin” është futur brenda ambienteve për të mos lejuar shembjen e godinës ekzistuese, sipas planit të qeverisë për të ndërtuar një të re, ngjashëm si me stadiumin “Arena Kombëtare”. Por ndërsa te kjo e fundit nuk ka trajnerë apo futbollistë që të protestojë, ne Teatri ndodh ndryshe. Një pjesë artistësh kërkojnë që godina ekzistuese, edhe pse e amortizuar, të vijojë te jetë ajo e jo ndonjë e re.
Mëngjesin e kësaj të martë pati dhe njën rrethim policor në kuadër të rrafshimit, por grupimi që është kundër prishjes është shfaqur me si forcë refuzuese. Më pas iu bashkua edhe opozitë, në kauzën e saj politike për të kundërshtuar “çdo gjë që bën qeveria”.
“Brenda Teatrit Kombetar ku Banda e Edi Ramës kishte nisur cmontimin. Aleanca per Teatrin dhe qytetaret i larguan dhe u futen brenda. Krenar per forcen e qytetareve te bashkuar!”, shkruan Basha.
E siç pritej, kauzës i është bashkuar dhe presidenti Ilir Meta.
“Rrethimi me policë i Teatrit Kombëtar dhe përplasjet fizike me komunitetin e artistëve, të cilët janë aty në mbrojtjen e një prej vlerave të trashëgimisë tonë historike, kulturore e kombëtare, janë një ngjarje e shëmtuar dhe e turpshme.
I bëj thirrje Policisë së Shtetit të respektojë artistët dhe të mos i dhunojë ata fizikisht në ushtrimin e së drejtës së tyre për të protestuar ndaj një vendimi abuziv e korruptiv për prishjen e godinës së Teatrit, dhe as t’i lëndojë ata shpirtërisht, në respekt të dinjitetit njerëzor dhe kontributeve të vyera që kanë dhënë për artin e kulturën kombëtare.
As sampistët e Ramiz Alisë nuk e kanë prekur me dorë Edmond Budinën”, shkruan Meta.
Ndërkohë, janë një grupim tjetër artistësh, ndonëse jo të dalë në terren, që janë pro ndërtimit të godinës së re të Teatrit Kombëtar. /tesheshi.com/
