Milo Gjukanoviç mund të vendosë atë që dëshiron, por ai nuk mund ta sulmojë Serbinë që mbron shenjtorët e popullit të saj dhe një Kishë të unifikuar ortodokse serbe, tha Ministri i Mbrojtjes Aleksandar Vulin, duke shtuar me kërcënim se “serbët në Mal të Zi nuk janë më vetëm.”
“Nuk e di pse (Milo) Gjukanoviç pretendon se është në kundërshtim me interesat kombëtare të Serbisë që Mali i Zi nuk është anëtar i Paktit të NATO-s, por unë e di pse Gjukanoviç po sulmon politikën në vitet 1990. Gjukanoviç mund të shkatërrojë të gjitha pasqyrat, por ai gjithmonë do të gjejë në to imazhin e një politikani i cili deri në vitin 1999 ka marrë pjesë në çdo pjesë të politikës që ai e quan politikë e viteve ’90”, tha Vulin.
“Gjukanoviç ka të drejtë të pretendojë se ka lindur një malazez dhe një euro-atlantist, dhe ne kemi të drejtë t’i kujtojmë atij se ka qenë një bashkëpunëtor i sinqertë i Slobodan Miloseviçit dhe një ndjekës i vazhdueshëm të traditës rusofile të sundimtarëve të Malit të Zi”, tha ministri Vulin, i njohur për qëndrimet e tij ekstremiste. /tesheshi.com/
