Vera konsiderohet problematike për shëndetin, sidomos të atyre që kanë probleme me zemrën. Temperaturat e larta rrisin rrezikun e komplikimeve në shëndet, por është e rëndësishme thonë shkencëtarët që të ndryshohet dieta ushqimore, kur vjen puna për t’u përshtatur me stinën e nxehtë.
Ndryshe nga sa mund të mendoni, nuk janë ushqimet e lehta e me pak kalori ato që ndihmojnë. Mjekët këshillojnë një regjim ushqimor të balancuar, por e vënë theksin tek ushqimet që përbajnë potas. Potasi është verifikuar se ul presionin e gjakut dhe ndihmon në forcimin e muskujve të zemrës.
Në një studim të botuar në Lozanë, thuhet se marrja e së paku 3.51 gramë potas në ditë, ndihmon më së miri për reduktimin e presionit kardiak te ata persona që nuk marrin ilaçe për hipertensionin dhe ndër të tjera mund të jetë mjaft efikase për të parandaluar problemet e zemrës.
Potasi gjendet në masë të madhe në ushqime si banania, pjeshkat, domatet, rukola, salmoni dhe pula. Gjithashtu fasulet kanë një sasi të madhe potasi si dhe proteina dhe minerale dhe përmbajnë fare pak kalori. /tesheshi.com/
