Auto Dak
Auto Dak
Auto Dak

Telashet e Princit të Lihtenshtajnit pas vrasjes së ariut më të madh në BE

Grupet mjedisore kanë akuzuar një princ nga familja mbretërore e Lihtenshtajnit për vrasjen e ariut më të madh në Bashkimin Evropian pavarësisht nga ndalimi i gjuetisë së mishngrënësve të mëdhenj.

Ata thonë se Princi Emanuel mori leje nga Lihtenshtajni për të qëlluar një ari femër që shkaktoi dëme në disa ferma, shkruan BBC.

Ai nuk e qëlloi femrën por Arthurin, një ari 17-vjeçar.

Princi nuk ka bërë ende një deklaratë për media dhe përpjekjet e BBC për ta arritur atë kanë qenë të pasuksesshme.

“Ne nuk kemi asnjë problem personal me princin,” tha Gabriel Paun i grupit mjedisor Agent Green. “Ne besojmë se anëtarësia në shoqatën e gjuetisë plotësoi nevojat e tij.”

Zyra e Princit të Lihtenshtajnit tha se nuk e dinte sfondin e kësaj çështjeje private dhe personale. Ajo theksoi se natyra ishte “një nga shqetësimet themelore të familjes së tij dhe një element qendror i angazhimit të tyre për qëndrueshmërinë mjedisore dhe sociale”.

Organizata mjedisore kombëtare e Rumanisë ka nisur një hetim mbi vdekjen e ariut.

Nuk është konfirmuar që princi kishte licencë gjahu. Sidoqoftë, Gabriel Paun nga grupi mjedisor Agent Green, tregoi një dokument që duket të jetë një leje qeveritare për një shoqatë gjuetie në Covasna duke i dhënë princit disa ditë për të ushtruar për gjueti dhe duke deklaruar vdekjen e një ariu në fshatin Oidula në Transilvania.

Gjuetia e arinjve kafe u ndalua në Rumani në 2016 sepse kafsha mbrohet nga një direktivë e BE. Por lejohet gjuetia për arinj “problematikë” që shkaktojnë dëm. Aktivistët thonë se një fermer lokal u ankua për një problem me tre femra dhe të vegjlit e tyre kohë më parë, por që të shtënat në mars nuk e zgjidhën problemin.

Ministri i mjedisit Tanczos Barna konfirmoi se ishte lëshuar një leje për të qëlluar ariun, por nuk dha detaje se kush e siguroi atë.

Kreu i Agjencisë Kombëtare të Mbrojtjes së Mjedisit të Rumanisë, Octavian Berceanu, tha se një hetim u hap javën e kaluar pse një ari mashkull ishte vrarë dhe se dyshohej për gjuetinë e paligjshme. /tesheshi.com/

auto pjese dak

Related posts