Raportuesi i Parlamentit Evropian për Kosovën, Viola von Cramon-Taubadel, nuk e mbështet qëndrimin e të Dërguarit Special të BE-së për Dialogun midis Serbisë dhe Kosovës, Miroslav Lajçak, për ndryshimin e Kushtetutës së Kosovës.
Ajo tha në Twitter se beson se një qëndrim i tillë nuk do t’i sjellë mirë Kosovës.
“Nuk mendoj se debate për ndryshimin e Kushtetutës së Kosovës po na çon diku,” tha Von Cramon-Taubadel.
Analisti gjerman Bodo Weber vlerësoi, në të njëjtën kohë, se kërkesa për të ndryshuar Kushtetutën e Kosovës është “gafa më e madhe e Lajçak”.
“Edhe nëse ekziston mundësia e ndryshimit të Kushtetutës së Kosovës në kontekstin e krijimit të Asocacionit (bashkësia e komunave serbe), deklarata e Lajçak është gafa më e madhe që kur ai mori këtë pozitë,” i tha ai Klan Kosova-s.
Ai shtoi se kjo “ose vetëm konfirmon paragjykimet etnike të Lajçak se ai është pro-serb, ose tregon se ai, në fakt, nuk e kupton çështjen e Asocacionit”.
Webber pretendon se Lajçak, në çdo rast, “i bëri dëm të madh autoritetit të tij, duke filluar me Kosovën”.
“Mund të shihet se Lajcak nuk ka mbështetjen politike të vendeve anëtare të BE për këtë deklaratë, gjë që tregohet edhe nga deklarata e zëdhënësit të Brukselit si një reagim ndaj kritikave të mprehta të Kosovës”, theksoi ai
Webber thotë se krijimi i një mekanizmi të tillë ishte një rezervë e mbajtur nga presidentët e Kosovës dhe Serbisë, Hashim Thaçi dhe Aleksanar Vuçiç.
“Eshtë një opsion rezervë për Serbinë, sepse përpjekja e Vuçiç dhe Thaçit për të shkëmbyer territore – ku ata kërkuan të vendosnin një ndarje të rreme në bisedime – dështoi në shkëmbimin e territoreve ose ZSO me kompetenca ekzekutive. Çështja e ZSO nuk është zgjidhur qartë, siç insiston kryeministri i Kosovës. Avdullah Hoti, e as nuk ka ndarje të tilla”, tha Weber.
Ai beson se marrëveshjet e Brukselit nga viti 2013 dhe 2015 i lanë çështjet kryesore të hapura dhe kjo është arsyeja kryesore pse Gjykata Kushtetuese e Kosovës bllokoi zbatimin e tyre në dhjetor 2015. /tesheshi.com/
